WELCOME TO OGADENNEWS
  SOMALI LINKS


Nuur Cadde oo helay taageero kalsooni

15/12/08,
Baarlamaanka KMG ah ee Somalia ayaa ansixiyey dowladda Nuur Cadde Baarlamaanka KMG ah ee Somalia ayaa kalsooni aqlabiyad buuxda ku siiyay Ra'iisul Wasaaraha Somalia Nuur Xasan Xuseen maalin uun kadib markii Madaxaweynaha Somalia Cabdullahi Yusuf Axmed uu ku dhawaaqay in xilkii uu ka qaaday Ra'iisul wasaaraha.

Baarlamaanka ayaa kalsoonida ku siiyay Nuur Cadde kulan qaas ah oo maanta ka dhacay magaalada Baydhabo ee xaruunta u ah baarlamaanka Somalia.

Wareysiga Aadan Madoobe

Guddoomiyaha Baarlamaanka KMG ah ee Somalia Shiikh Aadan Nuur Maxamed Madoobe oo kullankaasi kadib BBC-da la hadlay ayaa sheegay in go'aanka Madaxweynuhu ahaa mid sharci darro ah.

Nuur Cadde ayaa horey u sheegay in Madaxweynuhu awood u lahayn inuu xafiiska ka eryo.

Madaxweynaha Somalia Cabdullaahi Yusuf Axmed ayaa maalintii Axada waxa uu ku dhawaaqay inuu shaqada ka eryay dowladda Nuur Xasan Xuseen kadib markii ay ku guuldareysatay inay nabadgelyo ka dhigto Somalia.

Madaxa guddiga Midowga Africa Jean Ping ayaa sheegay in xil ka qaadistaasi ay sii wiiqi karto dadaalka lagu doonayo in nabad looga dhaliyo waddanka Somalia.

Weriye ka tirsan BBC ayaa sheegaya in Ra'iisul Wasaaruhu ka mid yahay xubnaha dowladda ku jira ee soo jiidan kara taageero caalami ah.

ogadennews1@hotmail.com



  SOMALI MAQAAL


© 2000 ogadennews.com | Design by Ogadennews webdesigner Eng:Ahmed Mukhtar